迎接DSE公開試

各位校友，中六嘅師弟師妹即將要迎接DSE公開試。受到疫情嘅影響，師弟師妹們由中四下學期開始就斷斷續續以網課形式番學，真正喺學校上堂嘅日子並唔多。接受過公開試洗禮嘅校友，相信都會明白師弟師妹們現正面對龐大嘅壓力。校友會希望可以為師弟師妹們集氣，幫佢哋打打氣，使佢哋積極面對眼前嘅挑戰。為此，希望各位校友們可以喺呢度留低鼓勵嘅話語及祝福，等師弟師妹們知道佢哋唔係孤軍作戰，我哋一直會同佢哋並肩而行。